منتدى صوت الحسين

المواضيع الأخيرة

» يارسول ألله
الأربعاء نوفمبر 12, 2008 7:57 pm من طرف مسلم ألسماوي

» يارسول ألله
الأربعاء نوفمبر 12, 2008 7:49 pm من طرف مسلم ألسماوي

» من أليسر ليكم يهلنه(نزله)
الأربعاء نوفمبر 12, 2008 2:50 pm من طرف مسلم ألسماوي

» عني ألاحباب كلهم غياب
الأربعاء نوفمبر 12, 2008 2:42 pm من طرف مسلم ألسماوي

» فائزي (زنجيل) للعباس ع
الأربعاء نوفمبر 12, 2008 1:30 pm من طرف مسلم ألسماوي

» عتاب ألعليله(زنجيل)
الأربعاء نوفمبر 12, 2008 1:27 pm من طرف مسلم ألسماوي

» 3(دكات) زنجيل للقاسم بن ألحسن ع
الأربعاء نوفمبر 12, 2008 1:24 pm من طرف مسلم ألسماوي

» ألكفيل وزينب(نزله)
الأربعاء نوفمبر 12, 2008 1:21 pm من طرف مسلم ألسماوي

» عتاب ألعليله (نزله)
الأربعاء نوفمبر 12, 2008 1:18 pm من طرف مسلم ألسماوي

التبادل الاعلاني

موضوعك الأول

السبت نوفمبر 01, 2008 9:13 pm من طرف مسلم ألسماوي

مرحبا بك أيها العضو الكريم في منتداك الخاص وهنيئاً لك بانضمامك إلى عائلة أحلى منتدى.

هنا نوفر لك بعض المعلومات القيمة التي ستساعدك بالبدئ في إدارة منتداك.

كيف تدخل إلى لوحة الإدارة؟للدخول إلى لوحة إدارة منتداك عليك …


    يارسول ألله

    شاطر

    مسلم ألسماوي
    Admin

    عدد الرسائل : 25
    العمر : 47
    تاريخ التسجيل : 01/11/2008

    يارسول ألله

    مُساهمة من طرف مسلم ألسماوي في الأربعاء نوفمبر 12, 2008 7:49 pm

    [color=yellow][b][center](نــــــــزله)
    ******************
    من غاب عني ألمصطفى
    ناديت عل ألدنيه ألعفـى
    ***************
    ناديت بدموع ألحــزن
    ماهاد كلبي وماسكــن
    بهموم وجروح أمتحـن
    وصواب جرحه ماشفـه
    ***************
    وياك أخذني للكـــبر
    ماريد يابويه ألعمـــر
    جتال تدري با ألصبــر
    وألحال دمعي أيوصفــه
    ***************
    تعنيت أودعك وألكلــب
    محتار ودموعه تصــب
    وماشوف يابويه الــدرب
    وألنور من عيني أنطفــه
    ***************
    وياك جنت أمدللـــــه
    بهموم دلالي أبتلـــــه
    ياضيم كلبي أتحملــــه
    وبا ألنوح روحي أمجتفــه
    ***************



    با ألعين ظلت صورتــك
    وشلون تحمل غيبتـــك
    مجروح كلبي بروحتــك
    ونعاب وبدمعه غفــــه
    ****************
    ياريت حاضر يلولـــي
    وتشوف بعيونك علـــي
    من طاح ودموعي أتهلـي
    وألسيف بينه مكتفــــه
    ****************
    ماريد عكبك دنيتــــي
    ياريت تسمع ونتــــي
    وحزان روحي ولوعتــي
    يانور درب ألمعرفــــه
    *****************
    وصيت بينه أمتـــــك
    ياريت تسمع عترتــــك
    وتنوح وتهل دمعتــــك
    وألجار نهجك خالفــــه
    *****************
    ظليت أصرخ با الدمـــع
    با ألباب مكسور ألظلـــع
    يانور دنياي أليشـــــع
    لوسال دمعي أتنشــــفه
    ****************



    مسموم يابويه ألحســـن
    ونصاب كلبه ومتحـــن
    لوعات راواه ألزمـــن
    مهدوم كبره وختفــــه
    ****************
    وحسين عاين مصرعــه
    مطروح وخته أتودعـــه
    لليوم صوت الفاجعـــه
    مذبوح نحره من ألكفـــه
    ****************
    صديت زينب حايــــره
    تنخاه يسبع ألكنطــــره
    هل أليوم أمشي ميســـره
    وعداك بحزاني أشتفــــه
    ******************






    مسلم محمد ألسماوي

      الوقت/التاريخ الآن هو الثلاثاء فبراير 28, 2017 12:10 pm