الرئيسية
Ahlamontada 
مُعاينة البيانات الشخصية
من طرف 
[b]يمحمد يخويه شعطلك عني دوهني أليسر يا خويه دوهني *************************************
يمحمد أجيتك كابعه بهمــــــــــي
تخبرك دمعتي عن حالة أبن أمي
تمنيتك يخويه من وكع يمــــــــي
من ذاك ألوكت ما بطلت ونـــــي
*********************
تمنيتك تشوف بعينك ألوفـــــــأي
من طاح انهدم ياخويه سور أحماي
عفت أجفوفه يمه تعاين علل ألماي
وعكب عينه انكطع من ألخدر ضني
**********************
يمحمد لونك حاضر ويانـــــــــــــه
وتصد عل كلبي وتسمع أحزانـــــه
لوتنشدني وجهي شغير ألوانـــــــه
عكب خدري ودلالي ميسره لنـــي
**********************
يخويه من ألمصايب مانشف دمعي
ولليوم ألجمر يسعر حدر ظلعــــي
كلفه حالتي يمحمد أوضعــــــــــي
لوعني ألشمر ياخويه لوعنـــــــي
*********************
من رد ألمهر بدموعي ناديتــــــه
وين بياكتر وألينه خليتـــــــــــــه
ضنيته يروح وياي ضنيتـــــــــه
عاين حالتي وبدموعه حيرنــــي
********************
يخويه أليله جيتك وألدمع يجري
يمحمد لون تنشدني عن خـدري
راح بكربلا أه ياهظم دهـــــري
من عكب ألكفلني تدري صوبني
شسولفلك بعد ياخويه عن حالي
تهدم سور خدري وهبتي ألعالي
لمن شفت أخوتي مذبحه كبالـي
كل ذاك ألخدر راح وبعد عنـي
********************
كلبي من ألمصايب ماكطع ونـــــــــه
شلون ألمجلس أبن زياد أطبــــــــنـه
ويضرب راس أخوي حسين أشوفنه
وكلما أصيح بصوتي يشتمنـــــــــي
***********************
تمنيتك يخويه بعينك أتشوفـــــــــــه
حالي وبا ألخدر ياخويه معروفــــه
شلون أمشي يسيره بهمي مجتوفــه
وعيون ألشماته شلون تنظرنــــــي
**********************
مسلم محمد ألسماوي
» يارسول ألله
» من أليسر ليكم يهلنه(نزله)
» عني ألاحباب كلهم غياب
» فائزي (زنجيل) للعباس ع
» عتاب ألعليله(زنجيل)
» 3(دكات) زنجيل للقاسم بن ألحسن ع
» ألكفيل وزينب(نزله)
» عتاب ألعليله (نزله)